Ás de moucho

Publicacións

Mostrando publicacións desta data: 2024

Pequeno moucho: Recuberto de escuras plumas, salvaxes, inocentes, suaves ao tacto, aínda que á vista non tanto. Semellaban pequenas serpes, desas que compoñen os cabelos de Medusa; pequenos arames estirados, dados un pouco de si, perdendo deste xeito as súas características, o seu potencial, a razón da súa existencia, pero aínda así podían atopar unha pequena forza interior que lles permitía a capacidade de rebotar. De ollos verdes, claros, grandes, impoñentes, de pupilas curiosas e escuras, do todo suxestivas, aínda que se podía ver a través delas, afondado moito máis do permitíbel, e se podía captar medo, desgusto, tristeza; a tristeza dese ollos risoños, dese sorriso permanente, desas gargalladas ben altas; tristeza causada pola falta dalgo que lle impedira voar, que lle evitara vivir coma os demais, que lle obstaculizara no seu tan desexado voo. Aquel pequeno moucho vivira sen ás.

Mostrar máis Mostrar menos