Un ano máis

Un ano máis.

Un ano máis vella

e á vez igual de pequena,

un ano máis vivido

pero á vez outro máis perdido,

sentíndome igual que antes

sendo a mesma

persoa

sen cambios arestora.

A miña vida non cambia,

pois sego estancada

na mesma cidade,

sigo intentando

crear arte

aínda que non alcanzo

a semellar quen soñei,

quen desexei

algún día ser.

Tempo atrás tiña

expectativas,

fracasei na vida

ao non conseguilas.

Pretendo ser alguén

pero caio,

poucas veces me levanto

dese chan xélido;

pretérito

imperfecto

que me enche os ósos.

Non son quen

de realizar os meus proxectos.

Un ano máis.

Un ano máis sen conseguir aquilo

que ansío.

Un ano máis sendo ese pequeno moucho

nun mundo de grandes bufos.