Odio

Ódiome.

Ódiome por deixarte marchar,
por permitir que marcharas ti.

Ódiome por bulir lonxe,
por ter medo,
por deixar que me controlaran
eses temores,
esas inquedanzas
que me queimaban todas as noites,
que chegaron a queimarte a ti
aínda que non notaras as feridas.

Ódiome porque non notas
esas ampollas que che fixen,
que crin facerche.

Ódiome por ter pensado iso
e por crer que
sentías os meus movementos,
por crer que sentías.

Ódiome por crer nalgo,
por ter algún tipo de ilusión
ou soño,
por ter algunha expectativa,
por pór esperanzas
nalgo inaudito,
imposíbel.

Ódiome.

Simplemente ódiome.