Pequeno moucho

Aquel moucho anano

de pequenísimo tamano

observa aos grandes bufos

dende a escuridade pura

dos seus ollos verdes.

Observa atentamente

esas longas plumas

e esas ás inmensas.

Como lle gustaría telas.

Aquel moucho diminuto

só desexa a grandeza

de voar

polo ceo nocturno

repleto de estrelas

e a lúa tocar.

Sente que non pode respirar

de tanto contemplalos.

Que xigantes eses seres.

Ao moucho gustaríalle parecerse

a eles,

pero non é máis

que un pequeno animal

de plumón castaño.