Princesa

Que mal senta o tempo,

o seu paso quedo,

tan imperante que achego

o meu peso,

mal fado

bendito,

esnaquizado,

divino,

presa de tal feitizo

que me queima

os músculos.

U-lo grupúsculo?

O alecrín dourado

semella

escapar do meigallo,

do mesmo

xeito

que cun beixo

podería ter espertado,

mais non preciso

ser princesa

atrapada

no castelo.

Muller de forza dotada,

espertar non é sinxelo,

pois farase co paso quedo,

co mal que senta o tempo.