Flores de cereixo

Sutil observador,

apareces como as flores

da primavera,

chegas sen previo aviso,

marchas cedo.

A túa existencia non

é máis que unha ilusión

e os teus bicos son

un simple soño.

Xogo co teu pelo,

delicioso,

negro acibeche fundido

que escorrega de entre

os meus dedos

mentres só penso

nesas flores de cereixo

que decoran os teu ollos

nesa elegante harmonía

só propia do teu corpo.